هو ايه اللى بيحصل دا؟
ايه اللى الناس بقت فيه دا؟
معقول نفوس الناس بقت وحشه للدرجادى؟؟
بجد ف حاجات كتير جدا الانسان مفتقدها ف الزمن دا؟
حاجات وبلاوى كتير بتحصل للواحد وهو ماشى ويومه بيعدى
بس مهما الزمن اتغير بينا,فى حاجات لو اتنازلها عنها وقولنا(عادى) بنرجع نتعب اوى عشان اتنازلنا عنها من الاول
اكتر جاحة بقت بتتعبنى اوى..اننا مبقاش عندنا معايير ف اى حاجة خالص.قيمنا بقت سطحية لاقصى درجة,وكله عـــادى
اكتر حاجة فقدناها وسط حاجات كتير هى(الصداقة اللى بجد) ..ايوا..زى اللى بنشوفها ف الافلام
ولا هو خلاص مابقاش نافع اننا نعشها غير لمده ساعتين لحد ما الفيلم يخلص
!!!!!!!!!!!!!!!!!!!!!!!!
قليل اوى اللى يبقى عنده صاحب صاحبه اليومين دول
وللاسف الصداقة دلوقتى بقت عبارة عن حاجات تافهه اووى...
بقت عبارة عن كلام(مجرد كلام) بنسمعه لبعض..على كام جمله معينة لما بنكون ف موقف برضو معين
أزيك يا حبيبة قلبى,,عاملة ايه يا جميل؟؟وحشانى والله
اكيد كلنا بنسمع الكلام دا..بس معتقدش ان فى حد بيصدقه!!
الصداقة كمان دلوقتى بقت مجرد توزيع ابتسامات(طبعا مع تشكيلة من الكلام اللى فوق) والله وحده اللى يعلم الابتسامة دى وراها ايه؟
انا كنت زمان بصدق ..بس حاليا فهمت الحدوته ماشة ازاى
وكان لازم افهمها من الاول....كان لازم أفهم أن مش أى حد يجى يسألنى عامله ايه ؟؟انه يقصد فعلا يطمن عليا
وان دى من ضمن التشكيله اللى فوق
وان كمان مينفعش ابدا اقوله (والله تعبانه ..أصل كذا كذا كذا) لانه اصلا مكنش يقصد انه يعرف حاجة
دى كانت مجرد كلمة وعدت..وخلاص الحمد لله فهمت اللغز وبقيت برد ف برود (زى ما كان السؤال ف برود برضو) الحمد لله تمام
وفعلا الحمد لله انى قدرت افهم اللغز(وهو لغز فعلا) لأ وايه ومحير كمان
فعلا لغز انك تتكلم مع حد اعتقدت ف خيالك المريض انه صاحبك,وقولتله(والله دا انا كنت تعبان وبعمل مش عارف ايه عند الدكتور)..ورغم دا ماتسمعش حتى ف الاخر مجرد كلمة (سلامتك)..طيب حتى يا ندل قولها..بجمله الهجص
كل واحد اكيد عدى عليه ياما من مواقف النداله..فيها اللى ممكن يعديه ويتعامل معاها عشان ميعيش لوحده
وفيها اللى بتقطم للواحد ضهره,وتخليه يفقد الثقة ف اى حد ,حتى ف نفسه ,بتحيره وتخليه مش فاهم ايه اللى حصل؟ولا ليه دا حصل اصلا؟
وحاجات بقى لايت كدا خفيفة ,حبشتكنات,بتعدى ع الواحد كــــــــــــل يوم ,وبرضو مش بيتعلم
بس بكره يتعلم
ولما يتعلم ويفهم,ساعتها بس يقدر يستوعب اللى بيحصل حواليه,,لأ ومش كدا وبس..دا ممكن كمان يبقى أستاذ ورئيس قسم النداله العالميه
ليست هناك تعليقات:
إرسال تعليق